يا ماحلى المجلاس بأرض" خليه
في روضة" فيها الخزامى مزاهير
وهبت عليك النود تالي عشيه
وشربت فنجال الدلال المباهير
فنجال ما صبوه من زمزميه
ولا صلحنه راعيات المناكير
امصلحن في دلة" شاذليه
من وارد الرسلان خلف الدناقير
وأن سقت شوفك للرياض الفضيه
شفت الخزامى والنفل والنواوير
والأرض مثل الزل خضراء طريه
لا شفتها تزيل عنك التفاكير
لو راس مالك مايجي خمسميه
كنه بجيبك خمسمية ملايين
كثر هم القلب ماضيـق الكـون الوسيـع
وذكريات(ن) تجذب القلب من نجد وورا
والله اني كل مخفي همومـي ماستطيـع
الحنيـن يهزنـي كـل مالطـاري طـرا
شف بالي طلعت البر في وقـت الربيـع
ويوم اجي في واد ابو سدر ماجف الثـرا
وادي(ن) فيه النفـل والخزامـا والنقيـع
في هواء ذيك الطبيعـه تبـات بـلا ذرا
يامدور راحـت البـال والجـو البديـع
مايحصل راحت البال مـن بـاع وشـرا
تحيـآتي ..