سافر وخل الموادع لا تودعني
ماعاد فيني مشاعر ترتجي وصلك
عطني عذر غيبتك خلص وسمعني
غير المعاذير ياالكذاب وش تملك!؟
خل الحكي عنك واتركني بجمعني
انا بسافر بعد , ربي يسهل لك
ضيعت وقتي وانا وقتي مضيعني
حسافه الشوق ضيعته على مثلك
اجيك كلي ضما والوقت جوعني
وتصد ماقلت لي حتى على مهلك !
باكر تجيني تقول الشوق رجعني
واصد واقول لك ماني برايق لك
سافر / تطمن معي ربٍ يسنعني
ماعاد به شي يجبرني على وصلك