السلام عليكم ورحمة الله وبركاته
شحـآلـكم عسـآإآكم طيبيـن
قــصيدة " الآقـدآر "
كــلمات " عبد الله بن عماره "
ياعين عمدان السهـر قامت ولا حولـش منـام
الهـم جانـي مبـتـداه ورحـمـة الله شامـلـه
تلعب بي الدنيا وانا كنت احسـب ان الحـظ قـام
الله يعـوض خيـر فـي جهـد اليديـن العاملـه
مثل العقيـم اللـي رزقـه الله فاحلامـه غـلام
مـن فرحتـه مافارقـت راس الغـلام انامـلـه
ماتمت الفرحه وراحـت روحـه بسـن الفطـام
الله عطـا والله خـذا فرحـه ولاهـي كامـلـه
خفا من اوجاع الزمان وفاع من نفح العسام
وليا تمنى جمع اشد العنى عوامله
عيا يزين الحال حتى فالتمني والكلام
الصبح مقتول التوهم والليال ارامله
اقدار سوت بي سوات الشلف عجلات الولام
تبطش ويبطش فالحشا صيب الجروح الدامله
شرع الدهـر يوميـن زيـن وشيـن لله الـدوام
عـاد الليالـي مقبلـه مـدري وشنهـي حاملـه
والحـظ مايسمـع ولاينطـق ولا عنـده نـظـام
اظن لـو يعـرف عنـا راعيـه فـز وقـام لـه
مافات مات وببتـدي مـادام لـي شـف ومـرام
دام الامـل موجـود فقلوب الوجيه الامـلـه
اللي زرع يحصد وانا بالنـور واجهـت الظـلام
واللـي يكـرر غلطتـه بانـت عليـه الخاملـه
ياصاح انا سقت القدم صوبك ولافيها كلام
خل النظر حول النظر تلقى علومي صامله
الذيب ماهرول عبث والطق في الميت حرام
والحـر تكفيـه الاشــاره لابغـيـت تعامـلـه
انا ماسج الرجل للي يرتخي وقت الزحام
اسجها للي علومه طيبه وازامله
لامـن صحبنـا ماصحبنـا الا رفيعيـن المقـام
الكير نحرب نافخـه والمسـك نصحـب حاملـه
ماهانت العشره ياخيك اللا على روس الهلام
اترك سميلات الجداد البس جداد السامله
اللي مايعنيني ما يعنيني ولا اعطيه اهتمام
كوامله نواقصه نواقصه كوامله
قلنا ذلول حزام مردوفه وزعلنا حزام
يحسب ذلول حزام له مدري يحسب حزام له
اقـدام سيقـان النعـام تأثـر بـروس النـعـام
اثر النعامـه راسهـا لاطـال تصبـح ثاملـه ؟؟
حمل الرسايل والمسافه فوق جنحان الحمام
الطير بالمكتوب حايم للوطن ما حام له
روس الحبـال معقـده مابيـن جـوخ وبين خـام
والموقـف الغصـاب سلـم لـي علـى قراملـه
الطيبيـن مصدريـن العلـم قصـاص العـظـام
الطيـب لـو ماجاو لـه جاهـم يغنـي زامـلـه
وان ضاعوا اهل المعرفه قلنا على الدنيـا السـلام
اصـل الاصايـل يحتويهـا ماتـعـود هامـلـه
يعنها اللي في اللقاء ضـاري علـى ورد الحيـام
يزعـزع البيـدا ولاجـار الزمن فـي زاملـه
كان الزمـن عيـا يطيـع فخلهـا راس وسنـام
واخيك من عقب التعب عبر ابتسامـه جاملـه
تـــحياتي // عذب المعاني