[نايل الظفيري]

السلام عليكم ورحمة الله وبركاته

ان بغيت الصدق ما للعناد الا العنـاد
لا تصعبّها علي عقـب مـا سهلّتهـا

المحبّه في عيوني غدت مثل الرمـاد
والقصايد من حطب غيبتك اشعلّتهـا

كان قلبك ماعرف يوم مفهوم الـوداد
ويش قيمة كل كلمة غلا لـك قلّتهـا

صاحبي لا تعتذر حان ميعـاد السـداد
ردّ لي ايامي اللـي عبـث اهملّتهـا

من كثر ما همّت بمْحبتك في كـل واد
لجل عينك اقّرب الناس لـي زعلّتهـا

كل ماجيت ازرعك للوصل كان الحصاد
دمعة ٍ طاحت على شانك وما شلّتهـا

ادري ان طولّتها ضاقت صدور العباد
وادري تْضيق المخاليـق ان طولّتهـا

أعّتبرني حلم مرّك على غفّـوة رقـاد
وانت ابعّتبـرك قصيـدة ولا كملّتهـا