[الجـــــــــادل]

وش نفعنا فعل أبوك وفعل جـدي وش عطانا كـل تاريـخ iiالقبيلـه

السوالـف ماتجيـب ولا iiتـودي والزمن أصبح نهاره مثـل ليلـه

ناظر الدنيا وتفهم ويش iiقصـدي وين جدك ويـن هـذاك iiلدليلـه

ماتذوق العـز والحـال iiمتـردي لو تشوف الخير ماتقـدر تجيلـه

علمونـا نـارد المـوت iiنعـدي مادروا وش صار بيـاع iiالبليلـه

علمونـا ننـزل وبكـره iiنشـدي والديار اليوم بصكـوك iiالفضيلـه

علمونا نكـرم الضيـف المعـدي لاجـل يذكرنـا ويمدحنـا قبيلـه

أكرمه لو كان يصلخ كل iiجلـدي ما اتعذر لـو مـا باليـد iiحيلـه

كرهونـا بالتجـاره iiوالمـكـدي لو شريت وبعت ضيعت iiالجميلـه

والصناعه ماتخص عيال iiنجـدي لو تجي صنـاع ياكبـر iiالفشيلـه

والمراجل تنوخذ صبح iiوهجـدي مادروا وش صار بيـاع iiالبليلـه

والدراسه ماوراهـا خيـر iiيبـدي من درس ضيع حلاله عزتي iiلـه

ضيعونا والزمـن كلـه iiتحـدي كيف ناكل عيش بعلـوم جزيلـه

كيف يارث جنب بيت الله iiهنـدي يـوم ورثـك نخلتيـن iiبالمسيلـه

شيخنا يبلش على تعييـن iiجنـدي ينطل بوجهه ملـف جـا iiيشيلـه

والموظف هيثم بن عماد iiسنـدي يطرد الشايـب ويلعـن سلسفيلـه

وان درى انه كان فارس مايصدي شبـت النيـران بقلـوبٍ iiغليلـه

والسبايب ذبـح خالـه iiنقشبنـدي ينتقم من فعل ربعك فـي iiوهيلـه

حنشلٍ من جوعهم محـدٍ iiيعـدي خال هيثم حج وجـدك iiمحتسيلـه

من يروح للحجاز يقـول iiبعـدي العيال وداعـة المولـى iiدخيلـه

يفخرون بكسب حجاج iiوعبنـدي وكسبنا منهم ذنـوب iiوحنظليلـه

عاد تدري ليه أنا بيحـت سـدي لا وظيفـه لا فلـوس ولا حليلـه