[عبد الله العظيمان]

بسم الله الرحمن الرحيم
سلام عليكم ورحمة الله وبركاته
صباح \مساء الخير
اليكم الابيات


رقيت في مرقب(ن) عالـي
وعديت في عالـي القمـة
لي مدة ظايـق(ن) بالـي
هموم(ن) على القلب ملتمة
والدمع من حاجـر سالـي
شهرين والدمع مـا ظمـه
والنوم ما عـاد يحلالـي
كني قريص(ن) مشى سمه
أبكي على صاحب(ن) غالي
ما جاني أخبار مـن يمـه
أتلى العهـد ذكـر نزالـي
متـعـدي وادي الـرمـه
ياطير خبره عـن حالـي
معاك ياطيـر فـي الذمـه
يا وا هنـي الـذي سالـي
ماهوب متقارب(ن) همـه
يا ونتـي ونـت الجالـي
إلي جلى من بنـي عمـه
من أول(ن) عندهم غالـي
واليـوم مطلوبهـم دمــه