السلام عليكم ورحمة الله وبركاته
مساء / صباح الخير
اتشرف بالمشاركه الاولى في هذا الصرح
فقبلوا مني هذه المتواضعه
ملاحظه ( القصيده الصوتيه موجوده باليوتيوب )
اترككم مع النص ..
يا الحب دايم ربعك الهـم و الغـم=إذا التَفاهـم وقفتـه مالهـا شـان
لأن الابكم قد تفاهـم معـا آآصـم=وشلون انا و انته و حن عندنا لسان
إذا المشاعر تنشرى... قلي بكم ؟؟=مشاعري با بيعها بـرخص اثمان
لأنهـا قامـت تِأثـر علـى الـدم=إتكبّل القوه و اصير أضعف انسان
و أبشري القسوه ولو تبغـي إرزم=حتى لو اخلي علـي حـق ديـان
ما يِتعب الواقع سوى قسوة الحلـم=و حلم الفرح متعبني إبكل الازمان
يا صاحبي أرجوك رح إحضن الأم=لن الحنان اللي معي .. مات غرقان
لأنك إمعـوده علـى جلسـة اليـم=ونسيت لا تحميه من موج الاشجان
رح و اذكره بالخيـر لعلّـه إيتـم=في ذاكـرة حبـك يسليـه أحيـان
خير الهوى ماخص و الشر بي عم=و الانسحاب الآن هو قدر الامكـان
صارت عصافير الغلا تنفث السـم=و سمعت ثعبان الهجر جرّ الألحان
يا وقت تكفى لا تشمر لـي الكـم=اللي مضى كافي ولا فيه نقصـان
أبشّرك مشبع شعوري مـن الهـم=و لاني إبحاجة مواجيب الأحـزان
اخوكم : عبدالعزيز الكفيف