السجه مع الهاجوس طبيعةٍ لي= طبيعةٍ بموت ماجزت عنها
آشكي على الخلاق وارفع له ايدي=لاكثرت الافكار يفك منها
اما الكرم قد فاز به حاتم الطي= حتى الفرس من شان ضيفه طعنها
خلوني اكرم في حياتي وانا حي= ولامت مدري جثتي من دفنها
خلقت في الدنيا وانا ما معي شي= وبروح منها ما معي شي منها
لابد مانرحل عن المزح والغي= ونسكن بيوت قبلنا من سكنها
ومسكين ياللي تحسب الواجد شوي= العافيه لو تنشري وش ثمنها
وياجاهل الدنيا تراها كما الفي= يامخبل اللي في حياته ضمنها