ابكي وعيني تسهر الليل يآريم=مدري بلآهآ الشوق ولا الضليمه
يآريم دمع العين مدري على الريم=ولآ على قلبـ(ن) توآكل صميمه
تقول لاطمني على نونهآ سيم=ابكي وعندي لزرق الدمع قيمه
يمكن يكون الدمع للعين تكريم=ويمكن يكون الهآ عذآب وحريمه
ولله لولآ دمعتـ(ن) كنهآ الديم=رآحت ضلوعي فـي عذآبي حطيمه
ودآم البكآ يآريم مافيه تحريم=يآعنك ولله مآرخص الدمع شيمه
وابكي على حالي من الوجد واهيم=لين الزمن يخلف عليهآ النسيمه
وابكي حيآتـ(ن) صآفيه مآبهآ غيم=وين المحبه والقلوب السليمه
ابكي قهر وابكي من الغبن والضيم=وابكي من طعونـ(ن) بقلبي قديمه
غدرا الزمن خلآ بوجهي مرآسيم=مآيذبح الرجال مثل الهزيمه
بعض المصآيب يخلفن المفآهيم=تبغآ على مآقيل صبر وعزيمه
مضلوم بدنيا وغيري مضآليم=من عرض ناسن لبسهم هو جريمه
مآعآد ابي من سود الايآم تعليم=عقب العذاب اللي كلآني جحيمه
لوتصفي الدنيآ علي الملازيم=مآعآد ادور من ورآهآ غنيمه