بعض الوجيه ان صوتت قلت لبيه
وبعض الوجيه ان صوتت قلت لحوول:
وبعض الوجيه اصد ماكني اوحيه
وبعض العرب لو مايحاكيك مقبوووول
وبعض العرب لو كان بريال مابيه
وبعض العرب ودي بشوفه على طول
وبعض العرب لو قلت يالوعتي فيه
مهما بلغت بوصفه الحب معقوول
وبعض العرب لامر ذكره وطاريه
انصت بدون شعور سارح ومذهول
لو غاب طيفه في عيوني تراعيه
على رجاء شوفه من الحول للحول
ياجعلني ماذوق حزنه ولا ابكيه
وش عندي اغلا منه يفداه واقول
هذا الغلا يلحق على روح راعيه
ولايقدر الا بري حالي وياحول
كم واحدِ ضاعة بخله هقاويه
واصبح هو اللي عن خطا الوقت مسئول
لاكن جريح الحب يلقى مداويه
معقول يسلم من شقى الحب معقول
هذا بعض ماقلت عن سر خافيه
والموت لامن انتها الحب مقتول
عبدالله بن راجــــــــــس