مشتال حملي بفضل الله مشتالي
من طيب راسي ولاابغي من حدن فزعه
بس الهوى مايفرّق بين الازوالي
ولاحدٍ يعارض على سلمه ولاشرعه
والقلب نصفه الاول كنّه التالي
سهوم الهوى لااغزته ماهيب منردعه
وانا ذبحني غلا ذربين الافعالي
وزودٍعلى حبهم لي عندهم طَمعَه
(لبى عيونه ولبى زوله الغالي)
ولبيه كلّه ولبى جنسه وطبعه
شبعان ذوق وحلا وشوي متعالي!!
وبالملح والثقل ماهو قاصرٍ شَبعه
انااشهد ان المفارق ضيم واذلالي
راعيه ماعاد يطيق أهله ولا ربعه
معهم وكنّه لحاله في الخلا الخالي
غيبوبته تاخذه والناس مجتمعه