[هامور]

مشكور يا فلاح على نقل هذه الأبيات الله لا يهينك

و صح لسان شاعرنا الكبير ابن فردوس

و ابو عبدالله يستاهل المدح الله يبيحه و يغفر له

و إسمح لي يا أبو محمد أن أعيد ترتيب هذه القصيده

ـــــــــــــــــــــــــــــــ

بادي (ن) بسم الولي رب الجــلاله = ربنا المعبود نسجد طاعةٍ لـه

صوب إبن ملبز نويت أرسل رساله = بلغـه مني ســـلام في سجـلـه

قلتـها وقـولها لاجـا مـجـالـه = حـاز ابن مـلبز الطيب كلــه

يافـلاح أفلحت يا رجل الصـماله = بين ربعك كايد المشكل تحلـه

كل منهو طـيـب يـاحـي فـالــه = كل حــمل كايد عنهم يشـلــه

والقضية حـلها من حـر مــالـه = مـرخص بالمال لاجاء واجب لـه

يدفع الآلاف ويـدُور الجــمـالـه = وإبن عمه إليا تضايق مسندله

أبوهــادي كل من سمعه دعـالـه = خص إبن ملـبز بها والغير خله

والمراجـل كايـده ماهي سهالـه = دربها كايـد ويصعب منهج لـه

من وقف بالطيب تشهد له إرجاله = ومن فعل الإحسان يبقى شاهدله

أبـوهــادي ناهج نهج الشكالـه = مكسب الطولات دايـم عادة لـه

جـعـل يـعلم كـل رجـال تكالـه = لا لفيته دوم يضـحك ناجد لـه

مفرق الـديره ترى بيته قبالـه = بيت إبن مـلبز ترى كل يدلـه

مـن يـزوره دايـم يرتاح بالـه = أبـوهـادي لا لفيته ما تملـه

ربعه العجمـان هم ساسه وجالـه = يلطمون الـشره لامن شـان دله

كـم عقـيد قام يجـفل من ظلالـه = لابغى الأطـماع فيهم ما حصلـه

لابتـه تعـرف إلى جـاوك صيالـه = لاتـعلوا فوقـها مثل الأهلــه

جعل يفـدونه قليلين العدالــه = الـردى عـوقـان لا تاتي محلـه

اترك اللي ماشـي درب الرذالـه = ماشـي درب المخازي والمذلـه

والـردي لا ناض خانت به حبالـه = في الأمور الهينه طبعه يتلـه

والـردي لعـل يبـكونه عـيالـه = جعل سـلال البشـر حاله يسلـه

والصـلاة إعداد ما يذري شمالـه = للـنبي إعـداد سحـب مستهلـه

ـــــــــــــــــــــــــــــــــــــــــــــ

صح لسانك يا ابن فردوس

و يستاهل ابو عبدالله ، الله يغفر له