[قلبي معاهم]

وصلك في شيبانك تشوف الرضا فيه=طول العمر والزود في بث الارزاق
ياهيه يالي تارك الوصل ناسيه=الحق على روحك قبل تنكتب عاق
ترا رضا الشيبان لازم تبديه=وصى بها الوالي على ذيك الاوراق
ابوك من شانك ترا الحال مشقيه=يشري لك الراحه ويتعب لك الساق
يفرح الي من شافك حوله حواليه=وان ضاق لك خاطر تشوفه معك ضاق
وياكثر فضل امك ماتقدر توفيه=يومك صغير وتبكي الليل باحراق
تفزع معك وتقول لبيه لبيه=وترضعك من حلو اللبن حد الاشراق