أنا أضم صوتي لـ صوت أخوي albwaaardy لأن قبيلة العجمان خاصه تستحقر اللي يتعنّى لـ حفل في الحجاز ولا في نجد ولا في أي مكان ثاني وهو مثلاً من أهل الوادي ولا الكويت ويتعنّى للحفل وهو ما يعرف من هم المعرسين عشان كم ألف .. صحيح أن شعراء المحاوره الحاليين معينين خير لكن ماهيب حلوه بنظر كل عجمي أنك تعنّى عشان دراهم .. والله ماهيب حلوه بس إذا صار حفل واحد عزيز عليك وتبي تلعب محاوره في الحفل هذا بدون مقابل كذا أوكي ما عندك مشكله بس النظريه كلها على الدراهم .. ! والشي الثاني حنا عندنا شعراء قسم بالله يا رياجيل أنهم يدهكون صم الجبال بقصايدهم وأبياتهم سواءً محاوره أو نظم وقسسسم بالله أني صادق وأن حنا قبيله لها الوقع الخاص في قلوب القبايل الثانيه منهم علي بن بلال و محمد بن الذيب و علي الدعيه وسعيد بن رحمه و محمد بن مشيط وأنا أعرف شعّار عجمان أقل ما تقول عنهم أنهم دارسين عند ( أبو الطيّب المتنبي ) من جزالة أبياتهم وحدّتها فالمحاوره ودي أذكر أسماءهم بس ما أقدر لأن هذا يمكن ينعكس عليهم فالأيام الجايه حسب كلامهم لي وبالتالي الله يجمعنا على المعزّه وطيب الفال من غير قصور فالباقي !
__________________