ياضيقة الخاطر اللي تكتم أنفاســـــي***اليوم رابع وأنا بالصـــــــــدر كاتمــــها
أخفيتها عن جميع الخلق والناســـــي***لكنها واضــــحه فيـــــني معـــــالمها
ياذا الزمن ماتحن شوي يالقاســــــي***ارحم شبابي وروحي ليــــــــه تحرمها
أنا الذي من ظروف الوقت مــــنداسي ***والشكوى للي خفايا الـــروح يعلمها
للهم في قلبي المحزون مجــــلاسي***أركى الخناجر على روحـــي ويممــها
قلت السبب ياعديم الذات والساسي***وش هي ذنوب المشاعر يـوم تظلمها
قتلت لي فرحتي ومثلت بإحساســي***وخليتني أمسح الدمعه وألملمــــها
قال المصايب على راسي على راسي***بقاسمك بعضها وأفوز بأعظمـــــها
قلت أنت راسي ولوجار الزمن راســي***وانا أتجرع ظروف الوقت بأكمــــــلها
شابت عيوني وشاب القلب والراسي***الوسم وسم الزمن والهم واسـمها
أتعبت شعري وديواني وقرطاســـــي***أخطها بالقلم والنــاس تفهمـــــــها