[المسك الاذفر]

الصّبح شاحب والسما مابها روح،،،والبعد دَمعه مانسئ وُجنتينه
والروح ماتت بين كفّين مجروح،،،والوعد مُتْعَبْ ذابله وَرْدتينه

والصيف ماهو سبّة الحرّ والفوح،،،الحرة الي في ضلوعي غبينه
راحوا ولا أسقوا معاطيش الطموح،،،بكَتهم عيون وقُلوب ومدينهْ

من عُقبهم نومي على عيني شحوح،،،فرقئ الولايف على المجروح شينه
بُعد وجفا وطعون وآلام وجروح،،،وش يحتمل قلبي و هُم ماخذينه
لامر طاريهم على تالف الروح،،،هاض الوحيد وقام يصفق يدينه

**وش حيلته لاصار في خاطره بوح،،،ولا لقاله غير صمته عوينه
القلب قبل العين والخاطر ينوح،،،مثل الطفل لامن فقد والدينه

يتيم حظ ولا لقئ وجهه يشوح،،،كن البخت في جرم يتمه يٌدينه
يطرق على بابٍ على طول مفتوح،،،باب الكريم ولا تواجد وزينه

يطلب بلا خوف وتفاصيل وشروح ،،، كم غايةٍ مايعلَمْ بْها قرينه
وانا مثل طّلّاب ربّه بمصلوح ،،، يثبّت قليبه ويهديه دينه

يبني لنا في جنته بيت وصروح ،،،ويجمع شمل كل غايب بفاقدينه
ولله شكرٍ في الخفايا وفي البوح ،،، والسنّة ان عقب الشكر سجدتينه**