السلام عليكم وحمه الله وبركاته ...........
صباحكم / مساكم ...عوار قلب وشيب راس 
(( في ذمتك في غيبتي ما تضايقت ؟))
و لا صار في دقات قلبـك ميولـه ؟
و ماهزتك ذكرى و فيهـا تشوقـت ؟
و لا طرى لك شي صعبـن تقولـه ؟
اكيـد مامريـت فيهـن و لا تقـت ؟
غلطان يالمجمـول ماهـي معقولـه !
مريت انـا فيهـن و منهـن تذوقـت
اضيـق والهاجـس يسـرّج خيولـه
شفني و انـا بيـن الهقـاوي تعلقـت
لا مدركن و صلك و لا اقدر آطـوله
تسوق لي الذكرى طيوفك و انا سقـت
و اقفي معاهن بيـن صولـه وجولـه
امشي مع العالم و لا احسب الوقـت
وش لي بوقت(ن) دام مانـي بحولـه
>>> تدري وش الي لاطرت غصب دنقت ؟
اني ابي شـي(ن) و صعبـن آنــوله
مدامني لا خنـت لا جـرت لا بقـت
معـاد لـك حقـن تحـرى وصولـه
اقسم قسـم بالله فـي غيبتـك ضقـت
و تردني نفسي عـن الـي بقولـه !!