طووط طووط طووط التلفوون ماهيب دقه الكام والصووتيه 
انت : ياهلا ومرحباا
هي : هلابك
انت : ترى والله كانو عندي رجاجيل وانشغلت ماقدرت ارد عليك
هي : طيب ماتعرف ترسل مسج مخليني على اعصابي احاتيك
انت : كل شوي اقوول الحين بيرووحون وبكلمش وتوهم يروحون الحين عاد
هي : شبعنا من ذالاسطوانه كل يوم تكرر
انت : لا تبيني اهمل الي جاييني واقعد اسوولف معش يعني .؟
هي : انا ماقلت كلمني قلت ارسل مسج على الاقل قول عندي ناس مو تخليني احاتي
انت : تدرين احسن عشان حركتش اليووم على الطاوله
هي : هههههههههههههههههههههههه
انت : اللي كانت معش اليووم هي اللي ضفتيها معنى ذاك اليوم وايميلها ....
هي : اي هذي هي
انت : حبووبه عزالله
هي : اي خويتي من ايام المتوسطه تخيَل
انت : الله لايفرقكم
هي : جزاك الله خير
انت : بس من كلامها اليووم احس انها حاقده على وضحه
هي : شوف صح ان وضحه خويتي بعد حيل واعزها بس ترى وضحه سوت كم مره حركه حقيره معهاا
انت : وش سوت .؟
هي : تخيَل غزيَل قالت حق وضحه هذا رقم خويي وابيش تدقين عليه تشووفينه يغازل من وراي ولا لا .. عقبه وضحه الحقيره كلمته وطلعت معاه والبنت قايله لها بس كلميه
انت : حرس ليه تعطيه رقم خويهاا تستاهل
هي : البنت خويتها وواثقه فيها ماتصورت تسوي هالحركه فيها وبعد قالت حق تركي ان غزيَل هي اللي دازتني عليك ومعطتني رقمك وعقبه تخانق تركي مع غزيَل بسبه وضحه
انت : على قوولتهم على نفسها جنت براقش
هي : والمصيبه بعد بس انا ماعلمت غزيَل عشان ماتحقد اكثر هي تقول انها بس طلعت معاه شافته ولاعاد كلمته وانا ذاك اليووم تلفوونها معاي في الجامعه دخلت على الرسائل ولا احصل رسائل منه لها
انت : وش دراش ان الرسائل منه يمكن احد ثاني
هي : لا انا اعرف رقمه لان غزيل قبل يووم لقو اهلها تلفونها الثاني وسحبو تلفوناتها كلها كانت تكلمه من تلفوني وهو كان يدق علي يسأل عنها
انت : يدق عليش بعد زانت علوومش
هي : والله اني تخانقت معاها ومعاه كم مره عشان هالسالفه قلت جنبووني وبغت تكبر السالفه بس ربك ستر
انت : تخانقتي معها كم مره وانتي كل ماكلمتش الا معهاا وتدقين علي من تلفونها بعض المرات
هي : السالفه قديمه اصلا قبل لا اعرفك
انت : اها
هي : ...........
انت :.......