[مطلق الخالدي]

قصيدة اعجبتني ونقلتها لكم
للشاعر الكبير/ عبدالله محمد بن صقر السياري الخالدي

وراك عنـي ياحبيـبـي تنـحـا
وانته هوى بالي وبلسـم جـروحي
ما مثلكم بالوصـل عنـي يشحـا
ولا مثلكم ينسى الغلا والمزوحـي
نفسي إلى من شفت زولك شرحـا
وإن غبت عني طال عقلي وروحي
رمشك لروحي والضماير جرحـا
وإن قلت لك رحماك مانته بتوحـي
يا غصن موز تحتـه المـي سحـا
وإن حس بالنسنـاس ولا يموحـي
طال العنا منكـم ونفسـي طرحـا
بعدك علىعيـن نظرهـا يفوحـي
ما حسبك قبل اليـوم فينـي توحـا
وبأسرارنا عند العـواذل بتوحـي
وترخص صديق لك بالأعيان ضحا
عن زول غيرك يم زولك طموحي
وأنا الذي ما قلت لي قلـت صحـا
أجي بإشارة رمش عينك وأروحي
ليت العيون أصغت لمن هو نصحا
لاشك ما تسمع كـلام النصوحـي
لاغمضت جاهـا خيـال ورمحـا
عيا خيالك عن عيونـي يروحـي
يا عبيد عيني غاب عنهـا فزحـا
وشالت غضبها من كثر ما تنوحي
ولا ظنها تبـرى وهومـا منحـا
من سلسبيل به لغيـري شحوحـي
با عبيد كانـه بالاصابـع مسحـا
وإلا ترى شوفي خطيـر يروحـي



تقبلو تحياتي


مطلق الخالدي