يامـل عينـاً تجـزينـي طــواريهــا
مـاترقـد الليـل حتـى تشغـل البالي
عن لـذة النـوم مدري ويش لجى فيـها
أيـام وأيـام مدري ويش يطــرالــي
لـون عينـي تبغى النـوم ممـديهـا
بس أن عينـي بـلاهـا صـار غـربـالـي
ياقلـب لو قصـة الايـام قـاريـهـا
ملامنـي صـاحبـي في بعـض الاحـوالـي
كم شفت واوحيـت واتركهـا واغطيهـا
واليـوم عنـدي تسـاوي المـر والحـالـي
أقـول ماقـال الاول فـي معـانيـهــا
لاخيـر في رفقته الحاقـد والانذالـي
والقصـة اللـي مضت وفـلان يحييـهـا
ماهـي على البـال لا أول ولا تـالـي
والضـايعه ضايعـه مانـي مقـديـها
اجنب المخطئـه وأمشـي على فـالـي
ترى الضعيفـه تبيـن من معـانيهـا
والنـاس تتعـب على اللي سعرها غـالي
الرجل لـه شرهـة تمشـي بعـانيهـا
ولا تـرى الرزق عنـد الواحـد الـوالـي
الخالـق اللـي جميـع الناس محييهـا
محـي جميـع البشـر من دق وجـلالـي
لـه رحمـة كل خلـق اللـه تراجيهـا
عـايش نفوسـاً تعيش في فنتق خالـي
نفسي تـرانـي محـذرهـا ونـاهيهـا
دام المشـاكـل لهـا مفتي وحـلالـي
ودك تخلـي الامـانـه عنـد راعيهـا
مثـل المعـانـي لهـا تحليـل وجـزالـي
احسن من اللـي يململهـا ويشويهـا
يضحـك بوجهـي وهـو ظالم وحيـالـي
لخيـر في رفقتـه مـانـي مـدانيـهـا
رفيقـي اللـي علـى الضيقات يصحـالـي
اللـه من هـاجس عينـي مجـزيهـا
الجنـب في مرقـده والفكـر يبـرالـي