[موكب]

.


صباح الخير ..

ياللي يمين الخد لا يسرّه .. هايم=( غمازتك ) .. يا كم لهـا من طريحين
،.،
وياللي الدلع في ( عينك الحور ) .. عايم=للناس رّب .. وللمحبّه قوانين
،.،
ترمين نظراتك .. على كل صايم=ذليت قومٍ قبل عينك / عزيزين
،.،
ينبوع غنج .. وفوقك السرب حايم=وكلٍ يبي يارد .. ويروى من العين
،.،
وأنا إللي من حسنك .. أذوق الهزايم=ما عاد به رجوى .. ولا به تحنين
،.،
ماني فـــ / حبك يا أكحل العين سايم=أنا عطيت أيام / وشهور / وسنين
،.،
لا تلومني .. وأنا لك اليوم لايم=عندي سؤالٍ لك .. ( يخّل الموازيين )
،.،
يا ريح ريحانه .. يا هبة نسايم=من قبل لا مغربك ( يحمّر ويبين )
،.،
أبسالك ... لبى الخدود الندايم=لا شفتي نفسك في المرايه ( تصومين ) .؟؟

.