[نجد العجمي]

يا شوق عيت ضروف الوقت تجمعنا
الوقت يمشـي وحنـا مـا تلاقينـا

سافرت يا شوق ما حتـى توادعنـا
ضروف الايام حالـت دون امانينـا

ما ينفع الدمع لـو سالـت مدامعنـا
ولا ينفع الحزن لـو تكثـر مراثينـا

مال الزمن فوقنا واخلـف روابعنـا
وتكللـت بالفشـل كامـل مساعينـا

الحـزن بييـن علينـا لـو تصنعنـا
سعاده(ن)مالـهـا بقلوبـنـا ميـنـا

ما ملت انيابنا من عـض اصابعنـا
لومل درب الشقا من مشي رجلينـا

اجنوبنا ما تهنـت فـي مضاجعنـا
والحاضر المر كدر حلـو ماضينـا

ولو قسوة الوقت ترهقنـا وتوجعنـا
نمشي على العز ما نخلـف مبادينـا

على الشرف والمحبه مالهـا معنـا
بلا شرف والشموخ اسمـى معانينـا

وحب الشرف في سما العشاق يرفعنا
حب(ن) يشـرف مبادينـا واسامينـا