صــباحكم ، مســاكم / مسـك وياسميـن وقصيـد
عــل وعسـى أنا انال على أعجاب او رضاء البـعض منكم
ولمتابعتي بالتويتر ، سعود الحضـيري
( الــريــم الجفـــول )
يـزيـد شـوقـي كـل ما ناظرت بـالريم الجفول = ياضيعة الشاعر بوصف أغلى من انواع الرحيق
داخل علي الله لا تعاتبني عـسا ضيقك يزول =وشفني عشانك سقت رجلي في متاهات الطريق
ومازلت عايش في رجا وصلك عقب يوم الوصول = وشفني طلبت الله ينجيني مثل حال الغريق
غـريق في حـبــك ومتحمل غيـابـك لـو يـطــول =في غيبتك شفت الشعر في ناظري اوفى صديق
يخونني التعبيـر من حسن الملامح ويش اقول = تحت اللثامه خـد زاهي شـامه بطرفه تليـق
جديـلها كـنــه ظـلام الـليل ومـن حـسـنـه يـنول =اعـجـابي الـي مايـنـولـه كــــل رجال ً طـلـيق
احجاجـها لـو يـرسمه رســام مبدع و امعقول =مايحقق الانجاز في رسم الي بشوفـي شفيق
في عينها اليمنى لمحت اجمل تعابـيـر ومـيـول =وفي عينها اليسرى عتاب غياب ومع لهفه وضيق
بـس تبتـسم لي مــن دلعهـا يا مفاهـيـم القبول= وياقبلة الله من ثـمان ٍ نـورت بـاجـمل بــريــق
هي من حلاها لاتثنت ضعت في صمت وذهول =قـامت تمايل من رياح ً كـنها الـغـصن الرقيق
هي وصلها في نظرتي كنه تباشير الهطول =هي مزنه ٍ بغيابها شف حالتي ضميان ريق
هي من ادبـهـا تسلب الافكار بـالطـبع الـخجول =هي مهرة ٍ وسط الكويت وتحمل الأصل العريق
تاريخها بنجد العذيه بنت عسـاف الخيـول = أصيله بكـل الخطاوي تتــقن المشـي الأنيـق
الي بقـوله بالنهـايه من تــواصـيف العقـول = أني غريق ٍ في هواها داخـل البحـر العمـيق
شــعر / ســعود الحضــيري