فضفضه ..
فضفضتي هذي خاصه للسنافيه ...
السنافيه هذي صديقة العائله الكريمه ..
يعني اهلها واهلي كلهم حبايب ..
والسنافيه هذي صديقة اختي الكبيره ..
صداقه من ايام الابتدائي وهم مع بعض ..
الين صاروا امهات 
يعني السنافيه مو صديقتي ...
استمرت العلاقه بينهم الى الآن ..
صحيح انهم تفرقوا بعد الثانوي .. هي قبلت بالجامعه .. واختي بالكليه
لكن ماشاء الله دائما مع بعض ..
المهم انا دخلت الجامعه .. واجهتها يمكن سنه ..
طبعا يالله يالله نشوف بعض بحكم التخصص ووقت المحاضرات تختلف ..
جلست معها ومع الشله .. ماشاء الله يهبلون وناس اخلاق وتواضع ..المهم
وانا كنت معهم الا السنافيه تمدح ساعه في يدي .. طبعا اختكم ساعات احلفت عليها
بالساعه وعطيتها وتستاهل ... هنا بدأت العلاقه
المهم اختكم ساعات حبت السنافيه على الصامت .. دخلت مزاجي هالبنيه ..
وكنت استانس اذا فيه سالفه او حديث او اي شيء .. المهم ابيها بأي وسيله
حسيت ان هذا مو اعجاب مراهقين ..
قلت لالالا ... هذا هو الحب .. يالله اختكم ساعات تعبت بس محد يدري واستمرت العلاقه معه
مو سطحي ...ولا رسمي ... مادري كيف اقولكم ..
حبي صامت وبس ...
المهم تخرجت السنافيه وعقب تزوجت ... صحيح كثر مافرحت لها على كثر ماحزنت انها بتروح بعيد
من المنطقه نفسها ...
والمشكله محد يدري عني ...
طبعا ليلة زواجها راحوا خواتي الا انا .... مادري ليه
وراحت بعيد عني ... وجاها تعين رسمي ...
ومن هنا صرنا نكلم بعض ... بس كنت احبها مو ذاك الحب
اقل من سنه تقريبا الا جاء نصيبها وتعينها في منطقتنا ..
استمرت العلاقه في كوننا اصدقاء فقط .... احترام متبادل بين الطرفين
فضفضه بيني وبينها بشكل ماتتخيلونه .. احاديث متبادله ..
جاء ذاك اليوم الي ماتوقعتها لا انا والا اهي .. انا احنا نترك بعض بسبب مشكله ما
عمري في حياتي مانسى مكالمتها لي وهي تبكي وتانب ضميرها ..
لكن العلاج الي بينا .. اهو الهجران
والهجران ماهو يوم او يومين او شهر او شهرين ...
تقريبا كان سنتين ...
والهجران ماكان هجران سلام ... لا ابدا بالعكس كنا نسلم على بعض بس من بعيد ..
يعني لقاء عند اختها .. او عندنا .. وبس
ولا احد يعلم وش بينا ..
جأت ذيك الليله حوالي الساعه ثنتين من الليل ..الا الغصه خانقتني ابي اكلمه .. اشتقت لها
والسنافيه عندها دوام ..
قلت الا اكلمها هالحين .. واخذ الجوال واتصل عليها وهي نايمه قالت هلا ساعات ...
قلت ماعليش الوقت متأخر .. طبعا اهي استغربت وقت المكالمه ..
قلت ابد مافيه شيء بس انت مسامحتني والعبره خانقتني ...
لاني حسيت اني كنت جافه معها بالكلام ...
وعقب هالموقف ومرارة الهجران ... ردينا البعض وصرنا حبايب
وعسى الله لايفرقنا ...
سوالف ..
اليوم الصباح اول ماصحيت من النوم وخلصت اشغالي اليوميه.. حوالي الساعه تسع ونص ..
فتحت جوالي الا اشوف الي يتصل علي السنافيه ...
بعد الترحيب والسوالف ... قالت ساعات علميني انت وش مسويه فيني انا صرت احبك حييييييل
معد استغني عنك ... قلت مو كثر ما احبك ... الله لايحرمني منك ..
سكرنا ..
عقب اتصلت علي في الظهر ... وانا يشهد على الله اني ناويه بكتب عنها الا اشوف رقمها ..
وقعدت اضحك ... قالت وش فيك قلت انا ناويه اكتب عنك في ركني ... وهي تدري من قبل اني اكتب عنها ..
لكن عندها طلبين اقلقتني حييييييييل ..
الطلب الاول .. تبي اتعرف ركني .. وفي اي منتدى
والطلب الثاني .. تبيني ارجع البيبي ...
قلت ابشري الطلب الثاني برجعه بس بعد مارتاح اشوي اخذ شهر او شهرين ..
ام الطلب الاول مستحيييييييل ..
قاعده تزن علي .. بس اقولها اني مرتاحه حيييييل .. ولو اعلمك ممكن معد اخذ راحتي هذا شيء
والشيء الثاني ... مادري مابيك تدخلين المنتدى هذا نهائيا ..
مادري هل هو تملك ... او من كثر ما احبه معد ابي احد فيه ... مادري وش سالفتي مع المنتدى ..
وسلامتكم ... تعبت وانا اسولف