لان الخبل مايسج من سالفته
اذكر كان عمري 14 سنه وتزوج اخي الكبير سين
ماخذ بنت عمي
قال : لوكي
قلت : لبيه
قال : اي وحده تدق تنشد مني قول لها مسافر
قلت : ازهل طال عمرك
بعد مرور اسبووعين على العرس (لوس انجلوس )
امي تحفظ الارقام بس ماتعرف تدقهاا لازم يدقها لها احد
قالت لمره اخي دقي على الدوانيه عطيني سين اكلمه اللي هو زوجهاا
طبعا ذيك الايام مافيه تلفوونات نقاله فيه تلفونات سياره انطلق واحد الابيض
وكان اغلب شي مع اللي اعمارهم فوق 30
دقت على الدوانيه
طوط طوط طوط
لوكي : نعم
مره سين : مرحبا شلوونك
لوكي : بخير الله يسلمش <<<<<< ماعرفت الصوت طبعا
مره سين : وين سين
لوكي : مسافر والله من اقوله ( قاضب الوصاه جعل امحق وصاه )
مره سين : انت لوكي ( بصوت فيه خلعه )
لوكي : (يشاهق من الخلعه و استوعب ) ايه اناا
مره سين : انت وش تقول قبل شوي
لوكي : اقول صاد مسافر ( صاد الشقيق اللي اصغر من سين )
مره سين : انا انشدك من سين
لوكي : اها توه رايح مع فلان قبل شوي
مره سين : فمان الله
..............
طبعا انا قعدت سنتين ماجبت طاري لاخي بالسالفه من الخلعه
وكنت كل يوم اول مايدخل علي الدوانيه اترقب ينشدني من الموضووع
لغايه ما كبرت شوي وطيحت ربع ميانه معه وعلمته وقالي لا مانشدتني من شي
طبعا الاسبووع اللي عقب الحادثه كان بالنسبه لي رعب وكوابيس في المنام