ياحبيبي ترى بعدك لقلبي عذاب
عن وليفٍ يحبك لا تحاول تغيب
لا يطول غيابك ياحسين الشباب
لا تأخرترى مالي بغيرك نصيب
التفرق عقب جمع الحبايب ذهاب
كل واحد بفرقا صاحبه يستصيب
أشهد اني من الفرقا عطيب الصواب
عقبكم بيني وبين الناس مثل الغريب
أسهر الليل افكر فيك واحسب حساب
عن عيوني خيالك دايمٍ مايغيب
شاب راسي وأنا توي بسن الشباب
من مشى بالهوى والحب لازم يشيب
لا رساله تجيني منك ولا جواب
كن مالك بحايل ياحبيبي حبيب
داعي الحب يمكن دعوته تستجاب
اطلب الله يجمع شملنا عن قريب