شــــواش
شوق وعنى وفراق مامثله فراق=دمع وحزن وهموم مامثلها هموم
وحدة وغربة ترتوي بعد خفاق=وملامس الآمال يبطي بي اقدوم
تعبت كذبات اليالي والافاق=وكثير طرد الحلم اتعب بي النوم
تجمعت في مبسمي تشتكي اوراق=واللوم في وضح النقا يفضح اللوم
هاك السهر يحكي لك آهات شًّفاق=من فاه مجروح الليالي بمنضوم
صبري شتا والبرد عاصف بالاشواق=عمري قضى والبعد قاسي بلا روم
عافت عيوني كثرة ادموع تنساق=في كل ليلة ارتوي قبل لا نوم
**تعال أخذني للفرح معك وراق=ودي أسلي خاطري منك لو يوم
أبرتمي كلي وفا محتري باق=وابشتكي لوعة سيجينٍ **ومحروم
تعال لم أشواق عمّري بالاعناق=وامسح دموعٍ صانت الحب بكموم
خذني فجيع أفراق بيديك مراق=على رحب صدرك تلملمني اللموم**
عقبك ملاذ العمر يلحق بك الحاق=مالي على غيرك عمر يفرق السوم**
خليتني بالكون مكسور لي ساق=والناس ماترحم غيابك عن اللوم
عمري طواه الهم والضيق حراق=تعبت كيّيات الزمن وأصغر احلوم
يضيق صدري كل ماخاطري راق=والدمع من غير أذرفه عيني أتزوم
ودروبي العوج إبتلت درب معتاق=كن التعاسة في حياتي بي تحوم
وجفون عيني تسهر الليل لشراق=غادي هنا والنوم مايسلب النوم
وينك تعال الشوق ثاير وبراق=بة فرحة المزنه تبشر لها ارزوم
وينك أنادي لك غياب العنا شاق=خذني ترابك يحتضن فيك مرحوم**
يمناي في يمناك والساق بالساق=والعمر بيدين اللذي خالق القوم**
أموت وأحيا في غرامك والاشواق=هذي حياتي لاتذكرت كل يوم**
والله أحبك لو غيابك علي شاق=مصير نتلاقى سما دامك انجوم
( الشاعر نايف الدهام)