[۩فارس وين الفرس۩]

في حزة عنآدك وفي حزة عنـآدي
.. قلت : آنت طايح من عيوني كذآ مره
شفني رفعت الحمول وقلتلك "عــآدي"
.. والقلب قبلك عجاج الوقت مآ ضـره
لا صرت " نـآوي" بعادي ، جرّب بعادي
.. آرحل وخل الليـالي تدفن الجـِرّه
كبرت في عين تاريخي وميلادي
.. وصغرت في عين عدواني من الحرّه
صديت عنه ورآح القلب ينقــآدي
.. احاول أصدده مير [ الغـلاء فــرّه ]
ولديت عيني عليه وحدني حــآدي
.. من يوم شفته وشفت العين محمرّه
وآقول في خاطري والضيق يزدآدي
..والله ان يبطي وآنا [ آقدره ] و [ آبرّه ]
العـآم في غيبته [ نسـآني إرقادي ]
.. و ما طآب جرحي وراه ولا غدا شرّه
آشيل صوتي ورا فيروز وآنـآدي
.. وآتل صوتي من الهجران وآجرّه
[ نسّم علينا الهواء من مفرق الوادي ]
.. سمعتها و آدمعت عيني من الحرّه
دنّق ودمعه يسيل وقال يالغــآدي
.. الا آنت بُعدك يتل القلب ويجرّه
طعنتني بين وجه الحب و فوادي
.. فديت خشمك لا عاد تعاود الكرّه
ضحكت قلت آنت ياغيمي ورعآدي
[ في ذمتي عيشتي في غيبتك مُرّه ]
تبي الصراحه غلطت بحزت عنـآدي
.. ولا إنت ماطحت من عيني ولا مرّه