مالي مع غير ربي مطاليب ,,
--------------------------------------------------------------------------------
الحمدلله ماني بحاجة النـــــــــــــاس .. ولالي مع غير ربــــــي مطالـــــيب
عزيز نفس وخوتي ترفع الــــــراس .. ماهي كما خوة ردي الاصاحـــــــيب
إما على جديان وألا على كــــــــاس .. تجمعهم الاكله على الإثم والعـــــيب
خوة مصالح واضحه مالها ســـــاس .. تحضر مع العازات وان غابت تغيب
خاويت منهم ناس من كل الاجنــاس .. لقيـــت فيهم من كبــــار العــــذاريب
أنذال معدنـهم ولافيهم احــــــــساس .. مع انهم مروا ببعــــض التجاريــــب
حاولت اسنعهم بتلميح واقيــــــــاس .. اقيس بعض الهرج بالــهرج واصيب
لكن غلب عليهم الذل واليــــــــــاس .. لأنهم مايفهمــــون الـمــــــــــواجيب
ممكن تغير طعس من بين الاطعاس .. ولاتغير طبع الانســـــــــان والــذيب
لا ياخسارة عمر مرجــــوعه افلاس .. اللي يعيش يجيب والنذل مــــــايجيب
الله يعوضني عن الزنك بالــــــماس .. وين الصديق اللي به الضن مايخيــب