ياليتني لا أشتقت لك أقدر ألقاك
ياليتني لامن بغيتك لقيتك
ياللي طبعت بداخل القلب ذكراك
يفز قلبن من صميمه هويتك
أخذت خمس سنين كله برجواك
من دم قلبي بالقصايد رجيتك
أسهر وأعاني وأرتجي وأتمناك
وأصافح كفوف الشقا لابغيتك
ياما نصحت النفس تقنع بسلواك
طالت سنيني بالهوى ماسليتك
يامالكن كل الحلا في مزاياك
ملكت قلبي في يمينك فديتك
خذني على ماقيل شمعة بدنياك
ابأحترق وأضوي أركان بيتك
بأشيل عنك الهم وأدور أرضاك
لاعاش همن عانقك في مبيتك
لاتقول تنساني وأنا ماأقدر أنساك
يفنى شبابي والعمر مانسيتك