انا عشانـك جيـت والغيـم همّـال
اسيّـل الوديـان واداحــم جـمـوع
ماردّنـي عنـك سوالـيـف عــذال
تزعل عليّ ربوع وتقـدّر ربـوع !!
كان المهم اعيشـك جنـون ووصـال
ويكون لي كلمه ولـي راي مسمـوع
واليوم ضاقت بي من الجـال للجـال
فرقاك تقصـم ظهـر وتحـز وتلـوع
لو جيت شفت الحال ماسـرّك الحـال
في غيبتك ضايـق وحايـر ومفجـوع
هذا غياب اسبوع وشلـون لـو طـال
طالبك .. لايطوّل غيابك عن اسبوع