[خالد بن جفن]

اسعد الله مساكم بكل خير

لوّك بعيدٍ يا حبيبي ومنّيت
نفسك بشوفي اليوم مثلك أعاني

أرقب ليالٍ بالوصل لك تحرّيت
يا كود حظّن لي يجيبك ثواني

بس البلا كانك معاند تشفّيت
تبغي القضاء مني وقلبك جفاني

هي غايتك تلعب علي لا تغلّيت
أو تحسبن اللي تسوي كواني

ماتدري أني صابرٍ لو تخلّيت
قلبي على صكات بقعاء كفاني

بالي طويلٍ فالمحبه وربّيت
نفسي على العزّه كذا والتفاني

أكتم جروح الحب لوّي توذّيت
في وجهكم ضحكه ولا لك هواني

أمشي معك لوها مجامل تعنّيت
أرقب نهاية كذبكم ذا كفاني

حتى يموت العذر منّك تبرّيت
لي ينكشف زيفك بقولك نساني

جريدة الراي 17/5/2013