..
..
هذا السؤال، اللي بوجه إنسانـي
يا سائله، يا مـا معـي ناقشتـه
.
كنّك تفتـش مـن ورى جدرانـي
لأيّ عيبٍ قد سبـق لـي طشتـه
.
يا سائلي مقصـدك مـا يخفانـي
حتى لوّ إنّك بالسمـو، زركشتـه
.
تبغي إلى صادفت مـن يشنانـي
خذته على حجرك وبي، وشوشته
.
مستورةٍ، لوّ الزمـان أقصانـي
من مجلس اعيانه، على محوّشته
.
ما قد قسم لي، من نصيبٍ جاني
عندي يقين مالعـرب، حايشتـه
.
محدن يعيش العمر عمـر ثانـي
واللي ماهو يحسب علي، طنّشته
.
أهم شيء، اعيش بيـن اقرانـي
إنسان، مازيف الرؤى خربشتـه
.
واضـح وإنسانيـتـي عنـوانـي
صادق مع نفسي علـى ماعشتـه
.
لوّ، اتعشا مـن لحـم ذرعانـي
ألذّ مـن زادٍ هلـه، مـا خشتـه
.
يا خي، أنا من قبـل لا تقرانـي
ما أنت، أوّل من بغـا وأدهشتـه
.
ولد البدو، فـي عزتـه متفانـي
حتى لو ظروف الزمـن مبّلشتـه
.
إلاّ ضعيف طـاح، بيـد الدّانـي
تضعضع لنفسه جبن، وادوشتـه
.
خير لي اسرح في غنم، شيبانـي
ولا ورى شيخا أمسّـح، بشتـه
.
هذا سؤالـك كـل مـا فاجانـي
لقاني اشعوف النخل، واحنشتـه
..
..
محمد السالم آل سفران المري