العــام قبل النـاس بالعيـد أهنيـك
واليوم قلـي مـن بهنـــي بدالـــك
دامك سكنت القلب ياروح مغليـك
وشلون مشفق وأتمنـى وصالـك
أهيـم بفكــاري ليـا حـل طـــاريـك
وانشهـد ان البعـد درب المهـالـك
قفيت كنـي مـن بعـادك معــاديـك
ماكني اللي كل ماطحـت شالـك
واليوم كنك من سـلال الممـاليـك
وكنـك تميـز بيـن حــالـي وحـالـك
أذكر وتلقـى مامضى مـن ليـاليـك
يوم الهوى مابين جــالـي وجالـك
أذكـر زمــانن راح وذكــر مسـاريـك
تشرب من دلالي وانا اشرب دلالك
هم غيروك من العواذل صعــاليـك
الين جـاك ابليس باللـي طرالـك
ياما دمحت عيوبك اللي تغطيـك
تجرح واقول القلب باقي حلالـك
جيتك وفـا من صادق الود شاريك
سعيت لك والقلب مثلي سعى لـك
وتهيـم في وادي وانا اهيم واديـك
واقــوول كــله لاعنـا مـن طـرالــك
ومشي على دربك وأتابع خطاويك
شايك!! واقول الدرب هين وسالك
ترمي علي من غير سبه بلاويـك
وارخي لك الهــامه ويكثـر جدالـك