القمـــة
عيني على القمه وفي قلبي من المطلاع خوف...لا لا حشا مانيب خايف إني اقصر دونها
عبدالله بن عمارة..الجزالة في المعنى واللفظ..وقصيدة تختزل مفردات ملغمومة بالشعر...وأسرار الكلام العذب..
((فــلاح آل مــلــبــز)) يـهـدي (( أعــضاء منــتدى الــعــجــمـان)) أحلى الأبيات...لــ ((عـبدالله بن عــمــارة))
عيني على القمه وفي قلبي من المطلاع خوف=لا لا حشا مانيب خايف إني اقصر دونها
أخاف لاأكفخ (لــ)السما ملهوف والعالم تشوف=ثم اتعداها وتصبح للنظر يا هونها
يا خلفة الاجواد جيَد بس جيدك فالضعوف=تلعب ملاعيبك ولاتمشي عليَ بلحونها
كان القريحه ماتفيض إلا بعد سف السفوف=عالج جماتك طالبك لا ينكسر طاحونها
امصافح اكفوف الاوادم غير تصفيق الكفوف=شرايك إني مدرك الثنتين وانت بدونها؟!
انذار للاشرار مثلك والنقط فوق الحروف=بجملتي جازم عليها فاحفظوا مضمونها
إني أرى روس أينعت وانا (لــ)هالروس القطوف=حتى تهاوا روس بعض الناس تحت امتونها
انتي على بال المولع كل ليله يالهنوف=لكن بادب قوم سنت لي طوال سنونها
إن كان حبك لي يجي ويروح من حسب الظروف=حبي لك أكبر من ظروف الوقت فوق احصونها
لو كنت أنافس (قيس) في (ليلاه) والجهد مخلوف=(العامــريه) والفتني واتركت مجنوها
(عنتر) من الظنخة يقول يحب تقبيل السيوف؟=لأنها تذكَره بثغر(عبله) كبرق مزونها؟
أنا اقبل طلقة الشباب الأحمر فالقنوف=لأنها تذكَرني شفاتك واستدل بلونها
ياشبه صفرا عند (اخوشيحه) ليا قاد الصفوف=لاأرخى شكيمتها على الغازي يجن اجنونها
عيني عليك وفي معاليقي من الوجدان خوف=اخاف لا أبدي حاجتي بك واتعثر دونها
*الـشـاعـر: عبدالله بن عـمـارة