السلام عليكم ورحمة الله وبركاته
هذه اخر قصيده من قصائدي واتمنى انها تحوز على رضاكم
======================
عند الفجر عديت انا راس مراقب
وهاضة هجوسي فوق راس العدامه
متذكرن في مركبي ربع واصحاب
اهل الكرم الجود واهل الشهامه
ثم ان جلست ارسم ورسمي على اكتاب
ورسمتلي صورة قمر في ضلاامه
مثل البسيطه فوقها سهول واهضاب
ومثل البعير يجيك فوقه سنامه
ومثل السلع بالسوق سايم وجلااب
ومثل الاذان يجيك بعده الاقامه
وبرفع عمود البيت وبامس الاطناب
واغوص لو البحر زاد التطامه
عفت الردي لو كان بابه على الباب
وعشقت انا الطيب ولو في تهامه
وان شفت راعي البيت ماهو بشباب
جعله عليه الصبح يصبح هدامه
ياصاحبي ياعزوتي بين الاجناب
اليا اختلط عجرمك مع عسامه
اشبهك في فارس اليا رما صاب
واليا زهمته شاش طش العمامه
واوصفك في بوجناحن ومخلاب
اليا درع فالجول عاق التمامه
واليا وصفتك صدق ماني بكذاب
كنك زعيم وتستحق الزعامه
واليا وصلك سؤال عطني له اجواب
وكان الجواب صعيب عطني العلامه
ياصاحبي وش غيرك ويش الاسباب
يالله عسى ماجيت حول الملاامه
اشره على الطيب ولااني بهذاب
ولا الردي ماني بناشد علامه
واختامها مني ترا قافها شاب
ولا البحر ياتيك قامه وقامه
=======================
وســـــلامتكم
عمهـــــــوج
__________________
انا السما وانتي كما واطي الأرض ,,, مهما كبرتي بالمساحات تحتي