يانجمة الصبح ماشفتي هوا بالي = كود الخبر منـّها يصبـّر الروحي
يانجمة الصبح حالي راح عزّالي = على وليف ٍ تناقض عقبه اجروحي
يانجمة الصبح وينه صاحبي الغالي = قوليله اني عليه آصيح وانوحي
يانجمة الصبح عقبه ضاعت آمالي = من كثر ماقبل من الاحزان واروحي
الله واكبر على وقت ٍ لنا زالي = يوم الهنا بيننا والضحك وامزوحي
وقت ٍ مضا بيننا لامن تهيـّالي = قمت ازعج الدمع فوق الخد سابوحي
حسبي على فرقته من كيد عــّذالي = اقفوا بخلّي وانا للفرش مطروحي
خلوني آجرّ طول الليل موالي = وانا عليّ اللتزام السد مابوحي
يانجمة الصبح خلّي هو تحرّالي = ولاّ من الشوق بال الخلّ منزوحي
من بشتكي للعرب همي وغربالي = من لاسع ٍ في ضميري فايح ٍ فوحي
افنيت حالي وكل ٍ داله ٍ سالي = وعيـّا مرادي يجيلي وين انا آروحي
يالله تهوّن عليّ الواهج الصالي = والهاجس اللي توامابي كما اللوحي
وياهادم الحب هدّك ربي العالي = وان مت من زلّتك مانتا بمدموحي
وسلامتكم
الشاعر / سعود رتيبان الجويّر