ياوين انا طبيت سوق الفحيحيل = وخليت عيني تمتعن في نظرها
ملقوفة ٍ رجلي تحب المحابيل = تسوقني من غير ماشعر باثرها
خلّت عيوني في بلاها مخاييل = واجيال يذبحني ميولة زهرها
ورحت العنود وزاد ويلي على ويل = شافت عيوني هول زين ٍ ذعرها
والموت بالدبوس هــّدامة الحيل = لاشافها الربحان روحه خسرها
حلو النقاب ورمش عين ٍ مضاليل = وعباية ٍ فوق الجسم تختصرها
وممشا تقل ممشا الاصايل من الخيل = لامن مشت (سبعه) تشوفه ظهرها
تعكـّـفت منها ارقاب الرياجيل = من شايب ٍ ولا شباب ٍ سبرها
وتزودهم لامن غدا المشيها ميل = ماكنـّها تدري 0 ودالع نحرها
مرات اللوم اللي عليهن بدا العيل = ومرات معذور ان قطف من ثمرها
اما انا لاشفت زين التماثيل = اللي قبل توصل يجيني عطرها
لاشفت منها بالمعارف مداخيل = اشبك احبالي دون حسـّـة بشرها
وان ماحصـلّـي قمت اجرّ المواويل = بأشعار حرمان ٍ تلاطم بحرها
وسلامتكم
الشاعر/سعود رتيبان الجويّر