السلام عليكم و رحمة الله و بركاته...
هذه القصيده الجميله جدا اعجبتني فقلت في خاطري اشاركم اياها... غناها المطرب الكبير ميحد حمد و هي من كلمات الشاعر علي الكعبي
اضغط هنا للاستماع لإلقاء الشاعر
اذا زعلتي يا شقا نفس تغليج
ليتج عن اللي يعصر الجبد تدرين
واذا رضيتي يرضي الله أراضيج
احس كل الناس برضاج راضين
ماحد بقلبي في غلاتج يساويج
يامن على كل المخاليج تغلين
بس قولي انتي كيف اسوي وانا ارضيج
لو عين يفدنج عن العين عينين
يامن اذا بين الملا حل طاريج
تستبشر بقلبي جميع الشرايين
لو تزعلي حرات قلبي تناديج
تكفين لا تقسين تكفين تكفين
لاطاب جرحي جان جرحي يسليج
لكنه يدري في جروحي تحسين
ضاقت علي الارض ربي يخليج
فضت احبس انفاس الالم بين ضلعين
ماظني اخطيبج واذا اخطيت لبيج
امرج على نفسي وروحي تمونين
العذر طبعج والسماحة مباديج
والصفح اصلج والعفو جان تعفين
تقبلو تحيات إخيكم الدليه إبن وقدان