اقتباس:
|
المشاركة الأصلية كتبت بواسطة قرقاص
تحكي عن نفسها واتمنى أن تنال اعجابكم .!
اللهُ اكبر كيف عشنا على الهون=يا كيف بعنا عزنا واشترينا
ذلٍ ورى ذلٍ ودون ٍ ورا دون=تاريخنا الماضي مضى وانتهينا
كلش تبين ما بقى شي مكنون=وش عاد ينفعنا إلى من سلينا
ولامن لمحت أخواننا كيف ينخون=صفقت بالكف اليسار اليمينا
البيت يهدم حتى لو كان مسكون=أما رضينا أو بعد ما رضينا
والطفل يبكي والنساوين يبكون=ومن بكيهم والله حنا بكينا
ومحمد الدره نسيناه بلعون=مسرع نسينا كيف مات ونسينا
يوم يتتقى والملاعين يرمون=إلين ما خلوه مثل العجينا
ما هوب كذبٍ أو وكالة يقولون=واقع نعيشه غصب غصب علينا
واقع يخلي صاحي العقل مجنون=الذيب هزلٍ والسلوقي سمينا .!
فوقك يحوم الحوم يا ريل شارون=ماعاد دون الحلق إلا اليدينا
ملعون جدك وانت يا الكلب ملعون=والله يلعنا إذا ما احتمينا
لك يوم علمه عند من خالق الكون=اتصير صاغر يا الضراوي مهينا
وأنا الذي لا ضقت ما جر الالحون=ازبن على الله ثم على الصاملينا
حليا الذي قصره على الطيب موزون=الحاكم العادل وفيه ارتضينا
أمرك يا ابومتعب على روس وعيون=ونغليك حنا وقبلنا والدينا
انت الزعيم اللي له الناس يدعون=والله يقبل دعوة المسلمينا
وانت الذي غيثٍ على الناس ومزون=يا جعل عمرك يا ملكنا سنينا
تحتك يا ابومتعب ثمانين مليون=كل العرب ياتون لامن بغينا
تكفى يا ابومتعب ترى القلب محزون=أي والله ان قلبي كسير وحزينا
حرر تراب القدس من قوم صهيون=وحنا معك لامن زمينا زمينا
في الأرض دبابه ومدفع وهاوون=وفي الجو طياره تدك اللعينا
من فوقها اللي للمهمات مركون=نقيب طيارٍ فعوله تبينا
لابو رجالٍ تقبل الضيم والهون=ولابو رجالٍ في القساوه تلينا
أعلن جهاد الظلم والنصر مضمون=بيد الذي ملكه عليك وعلينا
قرقاص |
مرحبااااااا يا قرقاص
ياااااااااااااااااااااااااسلام على القصيده الرائعه
ومن رائع جزله وانت جزل
وتقبل مودتى واحترامى