[ضيّ القمر]

السلام عليكم ورحمة الله وبركاته

اخواني واخواتي اعضاء هذا المنتدى الرائع

مساكم الله بالخير

لقد اتيت اليوم بقصيده للشاعر عبدالكريم المهنا

قراتها فاعجبتني فارجوان ينال اختياري اعجابكم

وللجميع تحياتي

يرده اللـي رد موسـى علـى أُمـه
اللي عقل يوسف على عيـن يعقـوب

اللـي كشـف بالضـر غمـه وهمـه
اللي كتب باللـوح ماكـان محجـوب

سواد عيني هـات " ثوبـك " بـلمـه
عطني قميصك كان أنا منـك مطبـوب

أبـا أجمعـه وأشـم لـو راس كمـه
و" أكنه " بصدري نفس عشق محبوب

يسعد عيونـي فيـه ساعـة وأضمـه
وأشرب من عيونه سواليـف وآذوب

لاوالله إلا فـاز بــه ولــد عـمـه
وأنا جنيت من الهـوى هـم وذنـوب

يالعن أبو حظـي عجـز عنـه يُمّـه
وأمست طواريـق الغـلا كلهـا دروب

كـان الشقـى دربـك فـوالله لتمـه
والله لكمـل كـل دربـه ولا أتــوب

إن جت على العسرات خذنـا المطمـة
وإن جت على شيءٍ كبيرٍ فـمكتـوب

داب الجفى يا " ود " يا شيـن سمـه
ينوش نابـه بالقـدم راس عرقـوب

يالعن أبـو رجـلٍ بـرك لجـل همـه
والله ما أبرك لو أنـا فيـك مصلـوب

الحـب يهـل الحـب شيمـة وذمـة
وأهل الهوى فيهم أحاسيـس وقلـوب

لاوالله إلا راح فـي بـيـت عـمـه
ياسعدهم في " ود " إلا لبسـة الثـوب

آخاف أسيـر فـي زواجـه وأخمـة
وأخاف أموت ولاحصل منه مطلـوب

ودي أحضـر بحفلتـه بـس أشمـه
ريحه مثل " شانيل " بالكف مسكـوب

أثـر الليالـي المقبـلـة مدلهـمـة
وراعي الهوى لوسدد الدين " مطلوب "

باقـي سواليفـه تكـسـر بـفـمـه
تنتـل معاليقـه تقـل نتـل راكـوب

الصبح يتفـل هـم ... والليـل غمـة
وإن نام ناب الهم ينتـق لـه جنـوب

ويرده اللـي رد موسـى علـى أُمـه
اللي عقل يوسف على عيـن يعقـوب


للشاعر/ عبدالكريم المهنا