السلام عليكم ورحمة الله وبركاته
قصيدة لا أعلم من الشاعر
لكن في وهله أحسست أنها تستحق ........... القراءة وأتمنى أن تعجبكم
أنا ربتني الدنيا على جزل العطاء... والجـــــود = ونفسي للوفا والطيب وفعل الخير ... جزامه
وأعارض منهج الهابط وأوافق للصعود صعــــود = وأسيّر نفسي بعقلي مدام النفس ... هدامه
ولا تثّر بي البسمة ولا كحل العيون ... الســـود = ولا يقوى على قلبي صغير الحسد ... وأجسامه
أردّ الجود بأمثاله وأقابل بالجحود ... جحــــود = وترى لا خير في رجلٍ يوطّي للردى... هامه
وعندي مع أهل العِليا مواثيق وثلاث ... عهـــود = أوفي له مطاليبه وأودّه وأرفع ... أعلامه
أعايش مركب الدنيا على متن القدر مولـــــود =أبعرف هو صحيح إنّ القدر بالناس دوّامه .. ؟
ومن وين الزمن مقبل وإلى وين الليال .. تقــود؟ = ومن في هالزمن يقدر يوجّه خطوة .. أقدامه؟
ومن له بالزمن غاية ومن عنده هدف منشود .. ؟ = ومن منّا قدر يعرف خفايا مقبل أيامه .. ؟
عرفت إنّ الشقا باقي ، عرفت إنّ الحسد..موجود = عرفت إنّ القدر يفرض علينا بأسوأ أحكامه
لقينا العرب حاسد وشفنا بالعرب .. محســـود = وبه ناسٍ لنا ضامت ، وبه بالناس .. منظامه
وينقص بعضنا خوّه وينقصنا وفاء ... وعـــود = مدام الحسد باقي وبعض الـناس ... نمامه
ولا ترجى بها الدنيا من ربوعك يجيك ..اسنــود = ولا تشره على رجلٍ عيونه خانت ... أقدامه
وقابل خطوة بخطوة وجازي بالصدود .. صــدود=تناسى غلطة الصاحب عليك بلحظة..اخصامه
ولا تخطي ترى لصبر الحليم اليا سلاك .. حــدود = تروّى واعرف بضرب الحديد تفكك .. لحامه
تجنب كسرة الخاطر ولو حبل الزعل .. مشــدود=تراك بكسرة الخاطر حكمت القلب بعدامه
ولا تزعل على رجلٍ بذل لك ولرضاك .. جهــود=ولا تامن من الحاسد رضاه ورفعة... ابهامه
نبي نصبر على الدنيا قلوبٍ بالحياة .. زهـــود = مدام إنّ البخت عيّت توّفق رمعة .. سهامه
وأنا ما قلتها راجي ولا أطلب بعدها .. مــردود = ولكن الفتى ودّه يحقق جملة ... أحلامه
وبمشي لآخر الدنيا ولو كلّ الأنام اقعــــــود=وعن وجه الزمن بكشف حقيقه وأرفع .. الثامه
صحيح إني صغير السن ولكن ( قدها وقـــدود ) = وأنا عندي مع الدنيا مواقف ترفع .. الهامه
طموحي يملي العالم ولابه للطموح .. قيـــود = مدام إن الأمل طبعي ( عرين وصرت ضرغامه )
خلقنا الله من ترابه ولأحضان التراب .. نعــود = تحت رمل الثرى نبقى تغطي جسمنا .. خامه
سلفنا ما لحقناهم تحت قاع التراب .. رقـــود = ولا يبقي من الميت سوى ذكراه .. وعظامه
ولو طال العمر فاني وترى عمر الفتى .. محدود=وكلٍ يطلب المولى يبيحه يحسن .. ختامه
وأنا بلّغت بلساني وربي والأنام .. شـهـــود=وصحف البيّنة جفّت وعنها رفعت ... أقلامه
تقبلوا خالص تقديري