ياكويت بالمره علي لا تعتبين
لاني منك ولانتي يكويت مني
ماني ولدك الي بالأول تخبرين
ولانتي بأمي الي عليا تحني
من عقب مافضلتي علينا البعيدين
صرتي عذاري بان منك التجني
اعيالك طردتينا واحنا المودين
واخذتي اعيالن غيرنا بالتبني
يوم السفر والغوص وبيوتك الطين
روحي اسئلي الهيرات ياكويت عني
تخبرك عنا وتعلمك زين
وتذكرلك ايامن لنا جد مضني
نقطع غبيبن تدهر كل البراكين
عقل الدليل يكون من هايجني
ونصارع امواج البحر مستميتين
ابدا فلا نرتاح او نرجهني
كله لعينك نبيك بس ترضين
ندعي الاعمار الغالية يرخصني
ويومن صفا جوك وزرعك غدا زين
والخضر هلن والأعجاف ادبرني
حنا صرنا من جناك محرومين
والاش بارضك دالهن ومتهني
ماينفعك يالكويت في العسر والين
الا عيالك واخذي العلم مني
اهما عزوتك وأهما غناتك عن الدين
وأهما الذري لين الليالي اظلمني
والا الغريب لو جاد ويالك الحين
يبدي البشاشه ويظهر العطف والين
ومن تحت ثوبه خنجر إلك يسني
بس ينطرك يوم فيه تطيحين
حتي يغرسة وإخذي العلم مني