اهديكم هذه القصيدة واتمنى ان تنال اعجابكم
هلابك عد ماهلت مزونن في سما الصمان=هلابك عد ماعينآ تحن الشوف غاليها
الا ياليتني عندك واهليبك من الوجدان=واعبر لك عن اشواقي وصدق الحب انا اهديها
هلا يامرحبا باللي قدومه نّور الأوطان=قدومه غيث للديرة وروح الحب يسقيها
عسى الله مايشف اللي على شوفك ترا شفقان=يحسب الوقت والساعة عسى ربي يعديها
ابي منك على طول العمرماتطري الهجران=ترا الفرقا صعيب عزّتي للي يعانيها
وابي منك سلامآ يذكرك بالخير ياكحيلان=واعرف انك من رجال ٍ كريمه في مباديها
وابي منك تذكرني ولاتنسى اعز انسان=ترى الذكرى تذكركم هنوف ٍ غاب طاريها
وابي منك وعد تخلص وتوفي المهرة الصمان=ومهما كانت ظروفك يااعز الناس مابيها
وانا لو امدحك بأحلى القصايد واعذب الألحان=خصالك ياعريب ٍ بالنسب ماوالله احصيها
جفول