[فلاح ال مخلص]

ثواب :

ياسلامي سلامن فيه عدل ولايجي فيه ميله = مثل صرف الذهب مصروف مني والدروب امحسوبه

يافلاح احتزم بحزام واحذروالمسافه طويله = ثم حدد طريقك مع شمال الدار والا جنوبه


فلاح :

مرحبا مرحبا والعلم واضح واقتنع بالقليلـه=شاعر يبخص سلوم القبايل والديار ا معروبه



ياثواب افهم العنوان وارسل والليالي كفيلـه=ثم عدد فريقك من عوال الجار لوهم حكوبه


ثواب :

الخميني ترا من عامله يارجل ماني عميله = والخميني طريقه شين لاتمشي مع اللي مشوبه

انتبه لاتحايل كان يارجال مامعك حيله = وكل رجال في فاله ولانبغا نفتش جيوبه


فلاح :

الخميني ومن يحرق بلاد الله ياعزتـي لـه=ضايع دربهم وين الدليله في الطريق مهذوبه



انت يالحارثي شاعر وربعك نعتبركم قبيلـه=لكن الحظ ماساعد جدودك لاتضيع العروبه



ثواب :

كل سني من السنه يبي يفلح وربي وكيله = وكل مذنوب مثلك لو طلب ربه غفرله ذنوبه

لاتحلم ترا ماكل برقن يارفيقي تخيله = وان مثل الجمل لو قام يهدر نفركه مع جنوبه


فلاح :
انت منته تزود في العدد لكن نفسـك ذليلـه=واحمد الله دربي درب صافي يازمان العجوبه


مانخيل المزون اللي مطرها للركاب الهزيلـه=والكلام ان لفانا نلتفت له وانت هشى محلوبه


ثواب

صاحبي تخلط الحلتيت وسط الكيف بنه وهيله = واختلف فكرك اللي صار للعقال ذنب وعقوبه

مير خفف من الحلتيت لايزداد وزنه وكيله = دوب ليلك معي ياكاحل العينين دوبه ودوبه


فلاح
صاحبك باخص بالعود الازق وانت جنب الجليله=باخص في حوايج بنت حوى ياشبيـه الجلوبـه


الحصان المسمى من نصيبك منت راع الكحيلـه=اشعبه واركبه يالحارثي واضن تبغـى ركوبـه

ثواب
فيك عاده قديمه ماتغير فيك يازنجبيله = لين قدرك ليا جيت العرب معروف صحن امعصوبه

وحليل العميل اللي سواتك ينثني واحليله = ابتسم له بضحكه لين عصب ثم شبت شبوبه

فلاح
انت تبغى وانا فيك متحير لو رموشك ظليله=روح دور لغيري في مقامك والاوادم طروبه



صاحبي رافع راسه لكنه قام يومـي بذيلـه=نعنبو حالته معاد فيها طب والعلـم صوبـه