اقتباس:
اخيـل البـروق النازحـه يمتـه ياخـي
على هجعـت الساليـن عينـي تراعيهـا
لاجيت ابا ارجع حسني بالخوافـي شـي
وعدت النظر في يمـة البـرق واثنيهـا
على دار خل(ن) كل ما أجي قبالـه حـي
اشوف الغلا لـو نظـرة العيـن يخفيهـا
قليل الكلام وهرجتـه كـل ابوهـا غـي
تمتـع بهـا روحـي واحلـل معانيـهـا
وصوفه على مثله قليله مع اهـل الحـي
ولا احد ذكرلـي بالبنـي مـن يحاليهـا
عليه الجديل ولبتـه مثـل نـور الضـي
يتيـه الدليلـه ليـن ياصـل حراويـهـا
طويل المعنق والوصايف وصوف ادمـي
اليـا ذيروهـا وابعـدت عـن مفاليهـا
عليها العيون ونظرة الحـب خطـره فـي
اليا سلهمت والا اشبحـت مـن يواليهـا
وعليه المبيسم خص لامـن تبسـم لـي
الا يالله انـك غالـي الـروح تنجيـهـا
وانا لاعرض لي شخص فعت احسبنه هي
عسى الله يجازي من عرض لي وانا ابيها
عليـه اتوجـد والتوجـد طوانـي طـي
كما طي دلو(ن) طويـت مـن سوانيهـا
وانا عارف اني ميـس واطـرد المقفـي
من اسباب ناس(ن) دونها مـن يناحيهـا
مشاكل غرامي وافقت مع زمان(ن) سـي
مقادير وقت(ن) راعـي العشـق قاريهـا
أخـوٍكـم
برٍق الوٍسم
|
الله الله عليك يابرق الوسم
صح لسانك مليون يالقرم
قصيده لها معاني جميله
تحياتي