قصيده ترى النور لأول مره .. هنا فقط ..
ساحه تستغل الأدب في قلة الأدب
أنا المدعو جميل ازريع , شاعر فلسفة عقال = بري من لعبة الساحه, واقر بآخر اعمالي
تفضل يادفاع القلب , وافتح دفتر الاحوال = وبلّغ حضرة القاضي , عن اغرب واعجب احوالي
انا ابرأ من صحافتهم , صحافة ( كم رصيدك ) وآل = صحافة واسطة واسم ٍ, نسائي والثمن غالي
صحافة ما اجمل اعيونش , وخدّش والهدب قتــّـال = قصيدش شي مايوصف , والاحلى ريقش الحالي
صحيح ان أغلب ابيوتش , املخبط وزنها واثقال = ولكن هاتي ارقامش , وانا انشر كل ماجالي
وعلى هالحال والخافي عظيم وكل يوم ابحال = خفايا العالم الرابع , لها اول مالها تالي
ولكن مايصح الا , الصحيح وخيرها لازال = ومهما صار لايمكن , تهز ارياحه اجبالي
بعدها يادفاع القلب , قفل جدول الأعمال = وسجل كل ماقلته , وصدّق آخر اقوالي
وبلّغ مهرة اشواقي , وشعري كل شي انقال = ووصل بس حرفيا , لها بلساني التالي :
لعينك قلت ماعندي , لو انه مايفيد اقوال = جواب لكل اسألتك , عزمت آجر موالي
عرفتي ليه مالاسمي , على صفحاتهم منزال = بعضهم مايشرفني , ويكرم عنه منزالي
معاك اسرفت في بعض المشاعر ماهناك اجدال = ولكن عذري اغيابك , وضحكة سن عذالي
ذبحني الشوق بغيابك , ووصلك صعب ماينطال = جبرني كل مانسنس هواك ايجيك مرسالي
تراها منك تكفيني , مساء الخير , كيف الحال = واذا جتني مسج منك , ابامشي واطرد اظلالي
وربي كانت ارقامي , كثير وقائمات اطوال = ولكن من عرف رقمك , تغير وضع جوالي
كتبت اسمك وعدلتك , رجعت امسح وليلي طال = عجزت القى لقب واحد , يليق ابرقمك الغالي
واخيرا قلت بارمز لك , بحرف وينتهي الموال = لقيت اني وصلت اليا , ولكن ماهدا بالي
وكان الحل في ظني , بأن افضل اسم ينقال = ويكتب في محل اسمك , يكون ايجاز ما انقالي
لذلك حافظ ٍ رقمك , املخبط شاشة الجوال = وكاتب لفظ ( كل الكون ), فوقه وانعدل حالي
وسلامتكم
جميل آل زريع