[ابن البراري]

الله الله ياللحون السامريّه
ببدع القيفان دام البال زيني
راكب اللي لو تدّور فيه سيّه
ما تعيّن كود حسناته تبيني
وانت يا بو فهيد يا زبن الونيّه
تستحقّه يا ولد ذرب اليميني
جيب لكسز والمزايا عالمّيه
وارد اليابان صنع الفاهميني
أربع امية بيت في وصفه اشويّه
لا اتلوم اللي ابوصفه حايريني
ليته العالي مثل شمس اضحويّه
يعجبك لا ضقت والخاطر حزيني
المواتر لا عبر تضرب تحيّه
كنه اللي قاد له جمعٍ رزيني
ماخذ أعلى رتبةٍ فالعسكريّه
رتبة الملعون صدّام اللعيني
ابن عم الرنج والجاكور خويّه
شاع صيته والخوال امعرّبيني
خاله الجمس الذي ما فيه زيّه
جاه طيبه من خوالٍ طيّبيني
ما تصيده كامرات الداخليّه
سرعته فاقت حساب الحاسبيني
لو سرى منّا إلى نجد العذّيّه
الله اعلم يمكن انها ساعتيني
لو ماني ابخايفٍ تشره عليّه
النشاما و الرجال الغانميني
كان قلت اب إعتبار إنّه مطيّه
خيّلا اللكسز و أنا ولد المتيني
بس أنا ماني بدوّر للدّنيّه
عارفٍ قدري وربعي عارفيني
ما تغيّر عزوتي والنار حيّه
خيّلا العليا و أنا ولد المتيني

الله عليك يافهد



صح لسااااااااااااااااااااااااااااااانك مليوون ولاهنت



ابداع × ابداع



تحياتي لك يامبدع