السلام عليكم ورحمة الله وبركاته
أرحب ثم أرحب يا ابو راشد
حي ذا العين...ابرك الساعات يوم شاركت معنا في منتداك منتدى العجمان ومرحبا ومسهلا يا ابن المتين...
وصح لسانك مليون على ذا القصيدة الجزله
والجزل مايجب الا الجزل يا ابو راشد
الله الله ياللـحـون السامـريّـه=ببدع القيفـان دام البـال زينـي
راكب اللي لو تدّور فيـه سيّـه=ما تعيّن كـود حسناتـه تبينـي
وانت يا بو فهيد يا زبن الونيّـه=تستحقّه يـا ولـد ذرب اليمينـي
جيب لكسـز والمزايـا عالمّيـه=وارد اليابان صنـع الفاهمينـي
أربع امية بيت في وصفه اشويّه=لا اتلوم اللي ابوصفه حايرينـي
ليته العالي مثل شمس اضحويّـه=يعجبك لا ضقت والخاطر حزيني
المواتر لا عبر تضـرب تحيّـه=كنه اللي قاد لـه جمـعٍ رزينـي
ماخذ أعلـى رتبـةٍ فالعسكريّـه=رتبة الملعـون صـدّام اللعينـي
ابن عم الرنج والجاكـور خويّـه=شاع صيته والخوال امعرّبينـي
خاله الجمس الذي ما فيـه زيّـه=جاه طيبه مـن خـوالٍ طيّبينـي
ما تصيـده كامـرات الداخليّـه=سرعته فاقت حساب الحاسبينـي
لو سرى منّا إلـى نجـد العذّيّـه=الله اعلم يمكـن انهـا ساعتينـي
لو ماني ابخايـفٍ تشـره عليّـه =النشامـا و الرجـال الغانمينـي
كان قلت اب إعتبار إنّـه مطيّـه =خيّلا اللكسز و أنا ولـد المتينـي
بس أنـا مانـي بـدوّر للدّنيّـه=عارفٍ قدري وربعي عارفينـي
ما تغيّر عزوتـي والنـار حيّـه=خيّلا العليا و أنا ولـد المتينـي