[الحارثي]

بسم الله الرحمن الرحيم

السلام عليكم ورحمتة الله وبركاتة:


يقول :الشاعر عواض بن ضيف الله الشــــــلوي

قصدية في العسكرية وهي قديمة جداً

يالله انك لاتعود العسكريه=النصيب اللي على البدله حداني
لبسوني لبسة ٍ ماهيب ليه=درعوني باللبوس المشبهاني
دربونا مثل تدريب المطيه=والصعب منا يعود مطوعاني
يالله انك لاتحملنا زريه=حيث حنا للمعاصي مانداني
ياوجودي وجد حمر ٍ عيدهيه=ساقط ٍ فيها الحقب ويا البطاني
فوقها قرم ٍ ببا كور ٍ قويه=من ورى العارض يبي دار شهراني
قطر القربه وقدمه قيهميه=مع زوال الظهر يوم الشوف داني
هسها العرقوب والديره رديه=لين دم الجوف بالذرعان حاني
او وجودي وجد عرب ٍ فوق طيه=في لهيب القيظ معطيت ٍ ثماني
هملن عيالهن بارض ٍ خليه=واصبحن اعيالهنه ذيهباني
يوم جن البير لياهي جاهليه=ما عليها لا ورود ولا محاني
بركن بالشمس تصهرهن شويه=كل منهن كنها الخرص الهلالي
لو بغيت ادله طرى الطاري عليه=واستحس القلب والهاجوس جاني
يوم اشوف الدين مرتجدا ً عليه=والظهر عريان والجوع يحداني
يالله اني طالبـــــك في كل نـــية=ياولي العرش رب المودمـــــاني
طالبـــــك رزقٍ تحطه في يديـــه=ما على بابه شرـــيف ولا هداني

وشكراً.